الخميس، 10 أكتوبر 2013
الأربعاء، 25 سبتمبر 2013
الصياد
شمس
الصياد
صحينا بدرى كالمعتاد ونزلنا على الشط
انا وشمس
ولاننا لسه بدرى ومفيش حد فى الميه
لقينا سمك ^_^
ايوة لقينا سمك قريب جدا جدا من الشط
ولما بيحصل جزر المية بتنحصر ويفضل السمك على الرمل ^_^
شمس فرح اوووى لما لقى السمك قريب كده
للشط
راح قالى معاكى عيش ؟؟؟
قولت له اه
راح قطع العيش حتت صغيرة اووى وراح
يرميها فيتجمع السمك حواليها يقوم هو يحاول يمسكه بايده ؟؟
لما معرفشي جه قالى هاتى الطاقية
اخد الطاقية وحط جواها العيش وحطها فى
المية يقوم السمك واخد العيش ويجرى وهو يتجنن اكتر
راح ركز كده ورمى لهم لقمة وبسرعه راح
ساحبهم للشط بعد ما اتجمعوا حوالين اللقمة واصطاد سمكتين ^_^
طبعا احنا عملنا فرح لانه اصطاد سمك
بطريقة بدائية جداً
ومش عارفة الخبر ده نزل على الجزيرة
الوثائقية ولا لسه ^_^
المهم حصيلة ساعتين صيد سمكتين
الحقيقة كنت بفكر اعزم جيرانا على
الغداء فرصة يعنى سمك طازة وكده ^_^
على اخر اليوم كان حصيلتنا من الصيد
خمس نجوم بحر مختلفة الاحجام وست كابوريات متوسطة الحجم وسمكتين
مصيرهم للقطة ان شاء الله
احبيبى يا شموسة يا جامد
المفتش كرومبو
تابع يوميات شمس فى المصيف
شمس
المفتش كرومبو
شمس بعد ما لعب بالعجلة شوية سابها تحت العمارة وراح يتمشى مع اصحابه على الشط
ابوه اخد العجله وشالها فى العربية من غير هو ما يعرف
هو رجع قالى : فين العجلة ؟
قولت له : معرفشي ؟
قعد يدور عليها ومالقاها
رجع لى تانى وهو بيقول : انا سبتها هنا جنبك
انا بقا قولت له : يمكن ركنتها فى مكان تانى دور كويس
قالى وهو زعلان جدا : دورت
راح قعد تحت الشجرة وهو بيفتكر سابها فين ؟
وهو بيفكر لقى اثار سندات العجله على الارض
راح فرح وقال بسعادة
؛ احنا نمشي ورا اثار العجل ونشوفها اختفت فين
مكنتش اعرف انى مخلفة المفتش كرومبوا
طبعا هو عمل كده واكتشف ان الاثار اختفت عند شنطة العربية بتاعتنا
واد مخه نضيف نفسي يشغل القلقاسة دى فى المذاكرة كده
شمس الناقد الادبي
شمس الناقد
قرأت كتاب لاحمد خالد توفيق
وسجلت اعتراضى من خلال نقاش مع نور على بعض النقاط
كان حاضر النقاش السيد شمس
هو بيموت فى حاجه اسمها احمد خالد توفيق ومتصور معاه فى اكتر من مكان
حتى ان دكتور احمد يعرفه شكلاً ولما بيقابلة بيقوله مش انت بتاع السنجة وهات يضحك
المهم النقاش سخن بينا نور بيدافع عن احمد خالد توفيق
وانا اقوله يا ابنى انا بحبه وبشوف افكارة عبقرية بس كان لازم يعمل كذا فى قصة كذا
راح شمس قالى ايه
فجأة
تتميز انثى الدلو بالتناقض الشديد
طبعا انا بطلت كلام وضحكت
مش عارفه اعمل معاه ايه
بيقولى ازاى بتحبية وازاى بتقولى كده
الواد طلع صح ولا ايه
شكلى هعتزل الكلام بفكر اتعلم لغة الاشارة بسببه
***********
مش عارف انام
مش عارف انام
جملة رددها كل اللى شاف وشي النهاردة
صباح الفل قبل ما اقولكم ايه الموضوع لازم تعرفوا القصة من البداية
القصة ببساطة ان قطتنا الموقرة ( العريس الاستاذ توتو ) راح لقطة الجيران علشان يتجوز لحد هنا والموضوع عادى جداً
الحقيقة هو جذاب جداً وكيوووت خالص
وهى عسوله برضو اول ما شافو بعض انسجموا جداً فرحنا وباركنا الزيجة
وقولنا هى اسمها توته وهو توتو هيجيبولنا تأتأ بقا
تانى يوم لقيت جارتنا بتقولى الحقينى عندى جنينة حيوانات فى البيت طول الليل خناق وجري ومواء لما الجيران اتلموا علينا
فضيت الاشتباك ورحت فصلتهم ( جارتنا بتحكى )
هو بيدور عليها زى المجنون فى الشقه كلها وهى بتغيظة من جوه الاوضة وبتنونو له ؟
صاحبتى قالت لى مش عارفه اعمل معاهم ايه ؟
قولت لها سبيهم كام يوم على ما ياخدو على بعض طبيعى الخناق ده
المهم على اخر اليوم لقيت صديقتى يتقولى لا كده كتييييير اول ما يشوفوا بعض هات يا ضرب وعض وزمجرة لالا ده مش حب ابداً
وهى ( القطة ) مش بتاكل خالص
وهو هادى جدا طول ماهي بعيده عنه
يركبة ستمية عفريت لما يشوفها
المهم قررنا اننا نجيبه وبلاها الجوازة دى واجوزة ست ستها
الباشا طول الليل بينونو وما عرفنا ننام من سيادتة
مسكته بليل وعماله اقوله
يا ابنى اتهد بقا عايزين نتنيل ننام
حرام عليك ذنبنا ايه انك خارج من قصة حب فاشلة عادى يعنى القطط على قفا مين يشيل بس انت استرجل شوية
طيب اجيبلك بيرل اى حاجه تخليك تنسى التجربة الاليمة دي
بكرة ربنا يعوضك احسن منها
هو اللى خلقها مخلقش غيرها
شموسة بيقوله انت اساسا اللى غلطان حد يسيب قطة عسل كده ،مش عارف تكسبها (واد خبرة )
اتارى الواد شمس بيفهم وعنده ذوق
بس احنا ذنبنا ايه مش عارفين ننام
حد ياخد توتو يومين ويدينا جنية
او اى حاجه فى رغيف
هننام فى الشغل كده
والعيال هيفشلو بسببه
شمس بذات نفسه عنده املاء عربي
مش بعيد يحمل توتو اى فشل مادي ومعنوى النهاردة
انا ناقصك يا سى توتو
ده كان رد نور الدين بيه لما شافنى وشافه الصبح !!!!!!!
#دماء_في_|الغربة
#بقلمي_أمل_زيادة
جملة رددها كل اللى شاف وشي النهاردة
صباح الفل قبل ما اقولكم ايه الموضوع لازم تعرفوا القصة من البداية
القصة ببساطة ان قطتنا الموقرة ( العريس الاستاذ توتو ) راح لقطة الجيران علشان يتجوز لحد هنا والموضوع عادى جداً
الحقيقة هو جذاب جداً وكيوووت خالص
وهى عسوله برضو اول ما شافو بعض انسجموا جداً فرحنا وباركنا الزيجة
وقولنا هى اسمها توته وهو توتو هيجيبولنا تأتأ بقا
تانى يوم لقيت جارتنا بتقولى الحقينى عندى جنينة حيوانات فى البيت طول الليل خناق وجري ومواء لما الجيران اتلموا علينا
فضيت الاشتباك ورحت فصلتهم ( جارتنا بتحكى )
هو بيدور عليها زى المجنون فى الشقه كلها وهى بتغيظة من جوه الاوضة وبتنونو له ؟
صاحبتى قالت لى مش عارفه اعمل معاهم ايه ؟
قولت لها سبيهم كام يوم على ما ياخدو على بعض طبيعى الخناق ده
المهم على اخر اليوم لقيت صديقتى يتقولى لا كده كتييييير اول ما يشوفوا بعض هات يا ضرب وعض وزمجرة لالا ده مش حب ابداً
وهى ( القطة ) مش بتاكل خالص
وهو هادى جدا طول ماهي بعيده عنه
يركبة ستمية عفريت لما يشوفها
المهم قررنا اننا نجيبه وبلاها الجوازة دى واجوزة ست ستها
الباشا طول الليل بينونو وما عرفنا ننام من سيادتة
مسكته بليل وعماله اقوله
يا ابنى اتهد بقا عايزين نتنيل ننام
حرام عليك ذنبنا ايه انك خارج من قصة حب فاشلة عادى يعنى القطط على قفا مين يشيل بس انت استرجل شوية
طيب اجيبلك بيرل اى حاجه تخليك تنسى التجربة الاليمة دي
بكرة ربنا يعوضك احسن منها
هو اللى خلقها مخلقش غيرها
شموسة بيقوله انت اساسا اللى غلطان حد يسيب قطة عسل كده ،مش عارف تكسبها (واد خبرة )
اتارى الواد شمس بيفهم وعنده ذوق
بس احنا ذنبنا ايه مش عارفين ننام
حد ياخد توتو يومين ويدينا جنية
او اى حاجه فى رغيف
هننام فى الشغل كده
والعيال هيفشلو بسببه
شمس بذات نفسه عنده املاء عربي
مش بعيد يحمل توتو اى فشل مادي ومعنوى النهاردة
انا ناقصك يا سى توتو
ده كان رد نور الدين بيه لما شافنى وشافه الصبح !!!!!!!
#دماء_في_|الغربة
#بقلمي_أمل_زيادة
الاشتراك في:
الرسائل (Atom)