هى فوضى

على خلفية بدء العام الدراسي الجديد احب اطلعلكم على اجدد الاحداث المطروحة على الساحة
اولا : المدير الله يعمر بيته غير الزى المدرسي 
قبل بدء العام الدراسي بخمسة عشر يوم ( مش مشكله ) متعودين على كده
انما انه يخلى محل واحد بس هو اللى يبيع الزى المدرسي والزى نفسه لسه مانزل لحد دلوقتى ده بقا الغريب
بالنسبه للكتب مفيش ور كتب وزارة ولا تجريبى 
عادى جداً 
بتحصل فى احسن العائلات
انما بقا يتغير اسم المدرسة عشرومية مرة سنتين ده بقا الجديد
المدرسة اللى ماتتسما اسمها سابقاً مبارك وفى ايام المجلس العسكرى اطلقوا عليها اسم الشهداء رغم انها فى الاوراق الرسمية كانت مبارك برضو
اما فى عهد مرسي سموها الحرية
بعد مرسي سموها ( الشهيد شريف السباعي ) ده كان اخر اسم استقروا عليه ومن محاسن الصدف ان فى مسيرة للاخوان مرت من ادامها فتكرموا وغيروا اسمها الى ( أحمد سنبل )
ودى كانت اخر افتكاسات مدرستنا الموقرة
بالنسبة لموضوع الزى اللى اولياء الامور مش لاقينه بقترح نعمل حملة ادخل اول يوم مدرستك بالبيجامة وشجع الاقتصاد المحلي
اولياء الامور اخدو قرار ان اولادهم يروحوا بالزى القديم تخيلو الكرنفال اللى هتكون فيه المدرسة
الله على كده احنا كده غلبنا الهند
واذا كانت الهند بلد العجايب فمصر ام وابو وجد العجايب
حكمتك يارب